Cheetah tui a pek leiin suspend achang

 

Cheetah tui a pek leiin  suspend achang.

 

Madhya Pradesh : Forest Dept a driver khatka  Gurjar-a chun Kuno National Park a Chettah tuihral tui zawng an invak vel chu inriang aloi hmu a,  tui inding a loi pek a, a tui pek lai hi Social Media tiang an post a, mi tamkan anin pak a,  fel an tiin an ngaisang fe a.

 

Chang homsiala hoitu insang tianga in anloi hawi kani  Forest Divisional Officer chu a hmuna ikalin Gurjar-a hin dan a bawsiat leiin vawn han athawkna aṭangin a suspend thai achang.

 

India ram hin Independence hnung  lawk aṭang han Cheetah hei hi ei nei tak naw a, kum 2022 & 2023 han sawrkar laipui chun Cheetah Project duangin, South Africa aṭangin an lak lut nawka, Ma an ilak hei nih  an te te (annai ) hei a tun a Kuno National Park a awm mek hei hi  ei  inei sun chu anchang.

 

Kuno National Park dana chun, Mihriam.hei hin  ramsa hei nuna an van hrol ding achang naw a. Ma dan hi chu ma Park chai chang loiin khawvela huap angka homin achang ta bani  hmang rit achang mai achanga. Wildlife Photographer nih Safari vel a ramhnuaia kal  hei hom hi ramsa hrat zawkin ramsa dang afa tuma an thaw lai , ramsa dang ṭangpui inngai hom chang siala, loi ruan nawle , loi inhrawl ve phal achang naw a. Zalen vaika an awm ding ti achang ṭhin.

Machun, Khuarel dana in eitawng dinga siam anchanga (Food Chain) ma chun  ei khawvel hi balance vaikan a kal thei pha.

 

Entirna dingin Cheetah khi mihriamin tui a loi pek  a , nakana  tui nih fak ding mihriamin  an pe thei ti a hoi chun mihriam chunga  innghat nawk zual anti a, mihriam awmna hei a kal  inching tir anti , ma chun mihriam nih cheetah dinga harsatna lian zawk tlung thei ati . Sa rihuan hei hom a hin an ramsa sia hei hi fak ihom fak ding ipe an iphal ngailoi hi.

 

Sources: ZP Liana