Bihar-a thaivu nih ṭek ṭula mi 61 anthi

 Bihar-a thaivu nih ṭek ṭula mi 61 anthi
13th April, 2025

Bihar-a Nilaiṭum han thaivu  nih rua  ṭek ṭul leiin mi 61 an thi achangin an tarlang. siatna tlung a hin Nalanda district chu athi tamna chem achanga tarlang achang,  ma district-a hin ṭek ṭul leiin mi 22 an thi achang.

District hrang hrang - Patna, Bhojpur, Siwan, nih Gaya-a mi 4ka ṭiangin nunna anchan a, Gopalganj nih Jamui-a mi inthumka ve ve, Muzaffarpur, Jehanabad, Saran, nih Arwal-a inhnika ṭiang an thi sa. Ma baka Begusarai, Darbhanga, Saharsa, Katihar, Munger, Madhepura, Araria, nih Bhagalpur-a mi khatka ṭiang athi an awm sa  achangin an tarlang.

siatna tlung dan akip akoi chu Nalanda district magistrate Shashank Bhubhankar achun ati, athi laia 21 hei hi thaivu athaw lei achanga, mi dang khatka hi ṭek isep achang anti. siatna tawng hei ṭanpuina sin nih  sansuakna sin  chu thaw vu achang thu ati sa.

Chief minister Nitish Kumar achun siatna tlung leia mi 60 hleiin nunna an ichan chu pawi a ti thu ati a, nunna chan hei chu ralna, Rs nuai 4 ṭiang an insung hei hnianga pek achang ding  thu anpuang. Chief Minister chun mipi hei chu pawn suak loi ding nih, rikrum thil achang phawt nawchun   in sunga awm dingin an cha. 

Source: Chanchinthar - ZP Liana